ကျွန်တော်နှင့် နေခြင်းတရား



"ဟောဒီက ခြောက်ဆယ်ကျော်
နောက်ဘယ်ကိုခေါ်မှာလည်း။

ဓမ္မငယ်အခံနှင့်
မရဏံအလိုကြိုက်ရာ
လိုက်ဘို့ပါပဲ။"



လွန်ခဲ့သောနှစ်ငါးဆယ်ကျော်က ကွယ်လွန်သူဖခင်၏ ဒိုင်ယာရီစာအုပ်ကို ကျွန်တော်သိမ်းဆည်း ထားခဲ့ဘူးသည် (စာအုပ်ဘီရိုထဲမှာ ရှိနိုင်သေး၏)။ မကွယ်လွန်မီ ရက်ပိုင်းအတွင်း ဆေးရုံပေါ်မှာ ရေးခဲ့သော မှတ်တမ်းတွေအနက် ကဗျာတစ်ပုဒ်ပါဝင်ကြောင်း ကျွန်တော်မှတ်မိနေဆဲဖြစ်၏။ သို့သော် ယခုတိုင် ကျွန်တော် အလွတ်ရနေသည်က ကဗျာကိုမဟုတ်။ “ဆေးရုံပေါ်မှာ စိတ်လေလေနှင့်ရေးသောကြောင့် စိတ်လေလေကဗျာ ဟု ခေါင်းစဉ်တပ်ရမည်ထင်သည်” ဆိုသည့် ဖေဖေ့ မှတ်ချက်တိုလေးကိုသာဖြစ်၏။ သို့ဆိုလျှင် သောင်စဉ်ရေမရ တွေစဉ်းစားရင်း အိမ်မှာရေးသော အထက်က ကျွန်တော့်ကဗျာတိုလေးကို သောင်စဉ်ရေမရကဗျာ ဟု ခေါ်လျှင် ကောင်းမည်လားဟု တွေးမိလေသည်။ ဆုံးပါးစဉ်က ဖခင်၏အသက် သုံးဆယ့်ရှစ်နှစ်။ အရွယ်ကောင်းဟု ဆိုနိုင်သေးသည့်အရွယ်။ ဖခင် ဘာကြောင့် စိတ်လေသည်ကို စဉ်းစားလျှင် သေကောင်ပေါင်းလဲရောဂါ၊ ဆင်းရဲတွင်း နှင့် မိသားစုတာဝန် စသည်တို့ကို အထင်းသားမြင်နိုင်သည်။ နင်တို့အဖေကတော့ စောစော စီးစီးဝဋ်ကျွတ်သွားတာပေါ့ဟု သားသမီးတွေအပေါ် အားမလိုအားမရဖြစ်သည့်အခါ အမေညည်းညည်းညူညူ ပြောတတ်သည့် စကား ကျွန်တော့်အတွေး ထဲမှာ သောင်စဉ်ရေမရ ကြားယောင်လာခြင်းအတွက်ကိုမူ ဘာကြောင့်ဟု ပြောရ ခက်လှ၏။ ခုတော့ အမေလည်း မရှိတော့ပြီ။ ဖခင်နှင့် မိခင် နှစ်သုံးဆယ်ခြားကာ တိမ်းပါးကြသည်မို့ အမေဝဋ်ကျွတ်ခဲ့သည်ပင် နှစ်နှစ်ဆယ်ကျော်ပြီ။

ပြီးခဲသေ့ာ နိုဝင်္ဘာလမှာ ကျွန်တော့်အသက် ခြောက်ဆယ့်နှစ်နှစ်ပြည့်ခဲ့သည်။ ဘဝတစ်လျှောက်လုံး မွေးနေ့ ကို အထိမ်းအမှတ်ရက်တစ်ရက်အဖြစ် မှတ်သားနေကျ မဟုတ်သောကြောင့် တစ်ခါတစ်ရံ ကိုယ့်မွေးနေ့ကိုယ် ရောက်လို့ရောက်မှန်းမသိဖြစ်ရသည်များပင်ရှိခဲ့၏။ သို့သော် ဘာအလုပ်မှမည်မည်ရရ မရှိသော လွန်ခဲ့ သည့် နှစ်နှစ်လောက်မှစ၍ မွေးနေ့ကိုမွေးနေ့မှန်းသိသည့်အဖြစ်သို့ ပြန်ရောက် ၏။ ခြောက်ဆယ် ဆိုသည်မှာမငယ်တော့ ဆိုသည်ထက် (ကျွန်တော်တို့လူမျိုး၏ ပျမ်းမျှ သက်တန်းအရ) မကြာတော့ဟု ပြောရမည်ကိုလည်း ဆင်ခြင်မိ၏။ သည်အထဲ ကျွန်တော်က အနေအထိုင် အသွားအလာ အစားအသောက် ဆင်ခြင် တတ်သူမဟုတ်သဖြင့် မကြာမည့်အထဲမှာ ပါဝင်ရန်ဖြစ်နိုင်ခြေက ပို၍ များသည်။ သေမှာ မကြောက်ဘူးဟုတော့ မပြောလို။ နာမှာသေမှာကို ကိုယ့်ထက် ပိုကြောက်သူတွေနှင့် အကြောင်းတိုက်ဆိုင်စွာအနေများပြီး ဘာကို ဘယ်လိုကြောက်ရမှန်း မသိ ဖြစ်သွားရသည်လား အကြောက် တရားတွေ ငုတ်လျှိးကုန်ကြ သည်လား ဒါမှမဟုတ် ဟန်ကြီးပန်ကြီးနိုင်သည်လားဟု တစ်ခါ တစ်ခါ တွေးမိ သည်အထိ ကျန်းမာရေးနှင့်ပတ်သက်လျှင် ကျွန်တော်က လက်လွတ်စပယ်နိုင်သူ တစ်ဦးဖြစ်၍နေလေသည်။ ပြောသာပြောရသည် ထိုအကြောက်လွန် တတ်သူတွေက ကျွန်တော့်ကိစ္စကို သူတို့ကိစ္စလုပ်ပြီး တွန်းတွန်း တိုက်တိုက် စောင့်ရှောက် ကြသဖြင့်သာ ကျွန်တော်သည်လို ထင်ရာပြောခွင့် ရနေခြင်းလည်း ဖြစ်နိုင်သည်။ 

အိုပါသည်ဆိုပါမှ သည်အရွယ်မှာ အနာမျိုးကကိုးဆယ့်ခြောက်ပါးအပြင်နောက်တစ်ပါးကတိုးလာသေးသည်။ ပင်စင်နာခေါ် မလှုပ်မရှား အနေများသဖြင့် ဇီဝကမ္မရုပ်တွေ အပျက်မြန်ကာ အဖျက်သန်သော နာမ်နှင့်တွေ့လျှင် အတုန်းအရုန်း ဘုံးဘုံးလဲတတ်သည့်အနာဖြစ်၏။ သည်မှာလည်း ပစ္စုပ္ပန်ကို တည့်တည့်မရှုတတ် အာရုံနောက် ကို စေတသိတ်ဆိုးတွေလိုက်တတ်သည့် ကျွန်တော့်ညဉ်သည် ကျန်းမာရေးနှင့် ပီဘိဆန့်ကျင်ဘက်။ ဆိုတော့ကာ မကြာသော အရွယ်သို့ ရောက်လာကြသူချင်းအတူတူ ကျွန်တော် က လက်ဦးဘို့များနေသည်။ မရှက်တမ်းဝန်ခံရလျှင် 'ကိုယ်နှင့်ရွယ်တူ ကိုယ့်အောက်လူ ကြီးသူသေကြ များလှပြီ' ဆိုသော ဆုံးမစာများကို စာပေလင်္ကာ တစ်ရပ်အဖြစ် မှတ်သားဘူးသော်ငြား တရားကိုယ်ကို ကျွန်တော်ဆင်ခြင်နိုင်စွမ်းမရှိသေး။ သံဝေဂအရာတွင် ကျွန်တော်သည် ဆေးမတိုးသည့် လူနာ တစ်မျိုးပမာသာ ဖြစ်နေဆဲ။ သေမျိုးမှန်း သိသည်။ သေရက်လက်ကျန် နည်းနေပြီဆိုသည်ကိုလည်း သိသည်။ အများပြောသလို သေဘို့ပြင်ဆင်ရန် အတွက်ကိုတော့ အာရုံမရတတ်သေး။ ငါ့မိသားစု ငါ့မျိုးရိုး ငါ့ဂုဏ် သိက္ခာ ငါ့တာဝန် စသည့် အတ္တတွေနှင့် တစ်မိုးလုံးဖျောက်ဆိပ် လုပ်ရင်းက သံဝေဂကို ဘေးချိတ် ထားခဲ့၏။ မိမိကိုယ်ကို၊ အလိုရှိရာ၊ ငါပြုနိုင်စွ၊ အစိုးရဟု၊ မှတ်ကြသူဝယ်၊ သေမင်းရယ်၏ ဆိုသလို သေမင်း ရယ်ဖွယ် ဖြစ်နေသည်ကိုလည်း သမထားမိခဲ့။ ယခုသတိပြုမိခိုက် ဂယောင်ချောက်ချား (ကဗျာဖြင့်) ကျွန်တော် ညည်းတွားမိခြင်း ဖြစ်နိုင်သည်။

သို့သော် မွေးနေ့ကိုဆင်ခြင်ရာမှာသေခြင်းတရားတွေချည့် တွေးတောပြောဆိုနေခြင်းကို ကျွန်တော်မပြုလို။ မသေခင် နေသွားရဦးမည်ဖြစ်လေ ရာ နေခြင်းတရားတွေ ကိုလည်း စဉ်းစားသင့်သည်ဟု ကျွန်တော် မြင်သည်။ နေခြင်းဆိုရာ၌ မရဏံမေဘဝိဿ   တိဟု တစ်ဖွဖွရွတ်ဆိုရင်း သုံးစားမရတော့သည့် ဘဝကို မေ့ထားဘို့ ကြိုးစား သည့်နေခြင်းမျိုးကိုတော့ ဘဝင်ကျစရာမရှိ။ ထို့အတူ စိတ်ပျိုကိုယ်နုရာကြံဆရင်း ကိလေသာမီးပွားတွေ တစ်ဖွားဖွားလွင့်စင်သည်အထိ ဇရာကို လှည့်ဖျားနေထိုင်ခြင်း မျိုးမှာလည်း ဟန်မရ (သည်အမျိုးအစားနှစ်ရပ်က အများသား)။ အနည်းဆုံး ကိုယ်ဘယ်လိုနေထိုင်ခဲ့သည်၊ ကိုယ့်ကြောင့် လူ့အဖွဲ့အစည်းနှင့် လူ့ပတ်ဝန်းကျင် တွင် ကောင်းဆိုးနှစ်တန် မည်မျှကျန်ရစ်မည် ဆိုသည်လောက်တော့ ဆင်ခြင်တိုင်းထွာနေထိုင်ခြင်းမျိုး ရှိသင့်သည်။ ဤသည်မှာ ကျွန်တော့် သဘောထားဖြစ်၏။ ကျွန်တော့် ခံယူချက် ဟု ပြောလျှင်လည်းရသည်။ နှစ်ပေါင်း ခြောက်ဆယ်ကျော် ရှင်သန်လာခဲ့သော လူ့ဘုံခန်းဝါ အတွင်းမှာ ထည်ထည်ဝါဝါပြစရာ မည်မည်ရရ မရှိခဲ့သည့်တိုင် ထိုဘဝကို နောက်ဆုံးအချိန်ထိ ဖက်တွယ် သွားလိုသည့် ဆန္ဒအရာတွင်မူ ပုထုဇဉ် အားလုံးတို့ထက် ကျွန်တော်လျော့ မည်တော့မဟုတ်။

နေခွင့်ရသမျှအချိန်ကလေးအတွင်းမှာ တသံဝေဝေ တပေလျှင်းလျှင်း တညှင်းဆိုးဆိုး တညှိုးငယ်ငယ် တတွယ်တာတာဖြင့် လောကကြီး အတွင်း သို့ နောက်ဖေးပေါက်မှဝင်ပြီး အိမ်ဦးခန်းသို့အရောက် သူများထက် ပို၍လျှောက်ခဲ့ရသည်များကို မြင်ယောင်၏။ အိမ်ဦးခန်းကိုလျှောက်ရင်း မီးဖိုချောင်ထဲ ယောင် လည်လည်ဖြစ် မကျန်ရစ်သည့်အတွက်ကို ရင်ဖိုရ၏။ အဆင်းမဲ့ဆန်း လူ့ပေါက်ပန်းဖြစ် လောကကို ညစ်ထေးစေခဲ့ခြင်းမရှိ သည့်အတွက် စိတ်လက်ပေါ့ပါး ရ၏။ သည့်ထက်ပို၍ မျိုးဆက်သစ်တွေကို အိမ်ဦးခန်း တိုင်အောင် ထက်ချပ်မကွာ သည်ပိုးးခေါ်ဆောင်လျက် ထိုက်သင့်စွာ နေရာချထားပးနိုင်ခဲ့ခြင်း အတွက် ကိုလည်း ဝမ်းမြောက်ပီတိ ပွားလိုက်ချင်သေးသည်။ ဝေဿဿသ န္တရာဇာတ်တော်လာ အမျိုးစည်းစိမ် အရောင်အဝါ ရှိလင့်ကစား အတတ်ပညာမရှိသောယောင်္ကျားသည် အချည်းနှီးသာတည်း။ အဖိုးတစ်သိန်းထိုက်သော အဝတ်တန်းဆာကို ဝတ်ဆင်လင့်ကစား အကျင့်မရှိသောသူသည် အချည်းနှီး သာတည်း ဆိုသည့် ဘဝ လမ်းညွှန် များကို နောင်လာနောက်သားတို့ ဆက်လက် ယုံကြည်လိုက်နာ ကျင့်သုံးကြ စေဘို့ သခွတ်ပင်က မီးတစ်ကျည်ကျည် ပြုလိုက်ချင် သေးသည်။ စင်စစ်တွင်မူ ဘဝတဏှာ အရှုပ်တွေကြားမှာ အလှကဗျာ တစ်ပုဒ်ဖြစ်ဖြစ် ဖွဲ့သီနေလိုသေးသည့် အန္ဓဘာဝသာဖြစ်ကြောင်းကိုလည်း ကောင်းစွာ ကျွန်တော် သဘောပေါက်လေသည်။

စင်စစ် အိမ်ဦးခန်းဟူသည် အိမ်တစ်အိမ်၏အထွဋ်  အမြတ်။ တန်ဘိုးရှိသောအရာ တန်ဘိုးထားသော အရာများ သတ်မှတ် ထားရှိရာနေရာဖြစ်၏။ ပြီးတော့ အိမ်သူ အိမ်သားတွေ ဧည့်ကောင်းစောင်ကောင်းတွေ သက်တောင့် သက်သာ စုဝေးရာနေရာလည်းဖြစ်၏။ သည်သို့ပင် ကျွန်တော် သဘောရ၏။ လောကကို အိမ်သဘွယ် မှတ်ယူတင်စားလျှင် သည်အိမ်တွင်းသို့ ရောက်လာသူမှန်သမျှ သည်နေရာမှာအေးအေး လူလူ အထိုင်ကျဘို့  မျှော်မှန်းကြသည်ချည်း။ သို့သော် ကံ ဉာဏ် ဝိရိယ အခင်းအကျင်းကိုလိုက်၍ ဘဝကို အိမ်ဦးခန်းမှ စကာ အိမ်ဦးခန်းမှာ ဆုံးခွင့်ရသူတွေရှိသလို အိမ်ဦးခန်းကိုရောက်ဘို့ အိမ်ဘေး အိမ်နောက် မလွယ်ပေါက်များမှတစ်ဆင့် (ကျွန်တော် တို့လို) ခက်ခက်ခဲခဲဝင်လာရသူတွေ ရှိကြ၏။ ထို့အတူ အိမ်ဦးခန်း ကိုရောက်ပါလျက် မလွယ်ပေါက်မှပြန်ထွက် သွားကြရသူတွေရှိသလို အိမ်ဦးခန်း သို့လျှောက်ရင်းက မရောက်နိုင်ကြသူတွေ (ဖေဖေတို့လို) ရှိကြ၏။ ကိုယ့်ကိုကိုယ်ပြန်ကြည့်တော့ ကျွန်တော်က ဒုတိယ တန်းစား အမျိုးအစားမှာ စာရင်းဝင်သူ။ အိမ်ဦးခန်းဆိုသော လူတလုံး သူတလုံးဘဝရောက်ဘို့ရာ အားထုတ် ရတာတွေများသလို ချိုးနှိမ်ချုပ်တည်းရတာတွေ အများကြီး။ သည်အထဲမှာ 'ခရီးအဆုံးကျရင် နည်းသုံးသမျှ တရားဝင်သည်' (ends justify means) ဆိုသည်မျိုး၊ 'မနိုင်နိုင်လျှင် ပေါင်းလိုက်ပါ' (can’t beat them, join them) ဆိုသည့်အတွေးအခေါ်မျိုးကို တက်ကျမ်းအဖြစ် လက်မခံသောငြင်းဆန်မှုနှင့် ထိုအယူဝါဒများဖြင့် တွင်ကျယ်နေသူတို့ အိမ်ဦးခန်း မှာအောင်သေအောင်သား စားနေကြသည့်အပေါ် ရှုစိမ့်ဖြစ်အောင် ကြိုးပန်းမှုတို့ကနရာယူထားကြ၏။ အိုနာသေဖျား ဤတရားကို များများစိတ်မှာ ပူဆာသောက မကြောင့်ကျမိစေဘို့ ကံ စိတ် ဥတု အာဟာရဖြင့် တည့်မတ်ရသည့် ယ္ခုလိုကာလမျိုးတွင်မူ ထိုချိုးနှိမ်မှုထို  အားထုတ်မှု အလေ့ အကျင့်တွက အတော်ပင်အထောက်အကူဖြစ်ကြာင်းတွေ့ရှိ ရလေသည်။ 

နေ့စဉ်မှတ်တမ်းကို (စာအုပ်စင်နှင့်ဝေးရာမှာမို့) ကိုးကားခွင့်မရသဖြင့် စာသားအတိအကျ ကျွန်တော် မမှတ်မိသ်ာလည်း ဖေဖေ့ကဗျာက သံဝေဂလင်္ကာ တစ်ပုဒ်မဟုတ်သည်ကိုတော့ အသေအချာ ပြောနိုင်သည်။  ဆေးရုံပေါ်မှ သေအံ့မူးမူးဝေဒနာသည် အိမ်ထောင်ဦးစီး တစ်ယောက်၏ မိသားစုအရေးရတက်မအေးသည့် အရေးအသား အစပ်အဆို များသာဖြစ်ကြပါ၏။ ထိုအချိန်မျိုး၌ ဘဝကူးကောင်းဘို့ ဖေဖေ စိတ်ဝင်စားနိုင်မည်မထင်။ စဉ်းစားဖြစ် လိမ့်မည်လည်းမဟုတ်။ ဖခင်တစ်ဦး၏ ဘဝကိုနှစ်ပေါင်း များစွာပိုင်ဆိုင်ခဲ့ပြီးသော ပိုင်ဆိုင်နေဆဲလည်း ဖြစ်သော ကျွန်တော် ဒါကိုကောင်းစွာ နားလည် ခံစားနိုင်သည်။ စင်စစ် ကျွန်တော့်အတွေးသို့ ဝင်ရောက်လာသည့်အချက်က ထိုကဗျာရေးချိန် မှသည် လောကတွင်းမှအမှန်တကယ်ထွက်ခွာသွားချိန်အထိ ဖေဖေဘယ်လိုနေသွားပါလိမ့် ဆိုသည် ကို ပင်ဖြစ်၏။ ရက်ပိုင်းမျှသာကြာခဲ့သောထိုကာလကို (အနည်းဆုံး စာတွေ့ရှိထားပြီးမို့) ဝေဒနာနုဿ  တိ ပွားရင်း ကျော်ဖြတ်ဘို့ ဖေဖေ စဉ်းစားကောင်းစဉ်းစားနိုင် သည့်တိုင် လက်တွေ့ကျင့်ကြံဖြစ်မည်ဟုတော့ ကျွန်တော် မထင်။ သားရေးသမီးရေးကိစ္စ ဖခင်တစ်ဦး၏စိုးနှောင့်ဗျာပါကို စာနာလျက် ကျွန်တော် တစ်ထစ်ချပြောနိုင်သည်။ ထိုအတိုင်းဆိုလျှင် ဘဝကူးတော့မည့်အချိန်မှာပေါ်လာတတ်သည်ဆိုသော ဖေဖေ့ အာရုံနိမိတ်တွေမှာ သောက ဗျာပါဒ ကုက္ကုစ္စ တွေသာပြည့်နေမှာသေချာသည်။ ဒါသည်ပင် သံသရာကို သယ်ဆောင်သွားမည့် ဝဋ်တွေလား ကျွန်တော်အတွေးပွား ရ၏။ 

ဖခင်ထက်အသက်ပိုရှည်နေခြင်းသည်ပင် ကျွန်တော်ကပို၍ကံကောင်းသည် ဆိုရမည်ဖြစ် သလို လောကကြီးကို နောက်ဖေးပေါက်မှဝင်ရောက်ကြရသည်ချင်းအတူတူ ဖခင်ရောက်မသွားရသော အိမ်ဦးခန်းသို့ မည်ကာမတ္တပင် ဖြစ်စေ ကျွန်တော်ရောက်ခဲ့သည်မှာလည်း ဝမ်းမြောက်ဘွယ်ဖြစ်၏။ သည့်ထက်ပို၍ နောင်လာမည့်မျိုးဆက်ကို (ကျွန်တော်တို့ထက်) အတိုင်းအတာတစ်ခုအထိသာအောင် ပျိုးထောင်နိုင်ခဲ့ခြင်းအတွက် အသေဖြောင့်ပြီဟု ဆိုနိုင်သည်။ အနည်းဆုံး သေခြင်းတရားနှင့် ရင်ဆိုင်တွေ့ ချိန်မှာအာရုံနိမိတ်ဆိုးတွေ ပေါ်ဘို့အလားအလာ ဖခင်ထက်စာလျှင် ကျွန်တော့်မှာ ပို၍လျော့ပါးနိုင် ခဲ့ပြီဖြစ်လေသည်။ ဖေဖေကဲ့သို့ စိတ်လေလေ ကဗျာမျိုး ရေးစရာ အကြောင်းမရှိတော့ဟု သာမာန်အားဖြင့်ယူဆသော် ရကောင်း၏ (သောင်စဉ်ရေမရ ကဗျာတစ်ပုဒ်တစ်လေ ရေးဖြစ်နေဦး မှာတော့ သေချာသည်)။ သို့သော် ဘဝဆိုသည်ပုံသေကားကျမရှိ၊ ပုံဆောင်ခဲလိုမတည်မြဲတတ်။ ကျွန်တော့် ကာယကံမှု ဝစီကံမှုတို့ကြောင့် ကျွန်တော်ကိုယ်တိုင် နောက်ဖေးပေါက်မှ ပြန်ထွက် သွားရနိုင်သလို ကျွန်တော်မဟုတ်သော မျိုးဆက်ထဲမှတစ်ယောက်ယောက်၏ ကံသုံးပါးကြောင့်လည်း တစ်အိမ်လုံးပြားပြား ဝပ်အောင် ပြိုလဲပျက်စီးသွားနိုင်သည်။  ကျွန်တော်မျက်ကွယ်မပြုမီ မျိုးဆက်တစ်ခုလုံး ပျက်သုဉ်း၍လည်း သွားနိုင်သည်။ သို့တည်းမဟုတ် ကျွန်တော်အလေးထားသော ကျွန်တော်အလေးထားစေချင်သော စိတ်ဓာတ်ခွန်အားတွေ ကျင့်ဝတ်စံနှုံးတွေကို ကျွန်တော်မျက်ကွယ်ပြုချိန်မှာ ကျွန်တော့်မျိုးဆက် ကိုယ်တိုင်က သွေဖည်ကောင်းသွေဖည် ကြလိမ့်မည်။ ပြောရလျှင် သူတို့ခေတ်က ဖြစ်ပျက်မြန်သည်။ သူတို့အလိုအရ စိမ်ခေါ်မှုတွေ  အလွန်များသည်။ စိမ်ခေါ်မှုကို အခွင့်အလန်းအဖြစ် သူတို့ မင်ကောင်းမှ မြင်ကြမည် သို့တည်းမဟုတ် အခွင့်အလန်းကို တစ်မျိုးအဓိပ္ပါယ်ဖွင့်ကာ အလွဲသုံးစားပျြုင်ပြုဖစ်ကြလိမ့်မည်။

ဤသည်မှာ မျိုးဆက်သစ်ကိုအပေါ်စီးမှအမြဲကြည့်နိုင်ဘို့ တစ်နည်း (သံဝေဂကင်းစွာ) မျိုးဆက်သစ်တွေ ထဲမှာ ဆက်လက်အရာဝင်လိုမှုတို့အတွက် ဆင်ခြေ တစ်ရပ်ဖြစ်ကောင်းဖြစ်နိုင်သော်လည်း ကျွန်တော် ၏ နေခြင်းတရား ထဲမှာတော့ သူကအခရာ။ အထူးသဖြင့် ဗျဿ    နတရားတွေကို အမြိုက်ဆေးနှယ် နိစ္စဓူဝ မြိန်ရည် ယှက်ရည် မှီဝဲသုံးဆောင်နေကြသည့် ဖြစ်စဉ်ဖြစ်ရပ်တွေအကြားမှာ လမ်းဆုံးလျှင် ရွာရောက်မည် ယုံမှတ်ကြတာမျိုး မနိုင်မည်စိုး၍ဦးချိုးကြသည်မျိုး သည်မျိုးရိုးထဲမှာ အနည်းဆုံး ကျွန်တော့်တစ်သက် ကင်းပအောင် ထိန်းကျောင်းဘို့ နေနိုင်သရွေ့နေချင်သေးသည်။ နှမ်းတစ်လုံးနှင့်ဆီမဖြစ် သည့်တိုင် နှမ်း၏ သဘာဝ နှမ်း၏ သတ္တိတို့ကိုကို ပျောက်ပျက်ခံ၍ မဖြစ်။ သည်အတွက် ကျွန်တော့် မျိုးဆက်အပေါ် ကျွန်တော် တာဝန်ခံ ရမည် သည်လိုနှမ်းတွေ ပေါင်းစည်းပြီး ဆီကိုရေချိုး ဆေးရိုး မီးလှုံ စပါးတောင်လိုပုံမည့် စနည်းတွေတဘောင်တွေ ကျွန်တော့်တစ်သက် ကြားနာခွင့်မရတောသည့်တိုင် နောက်မျိုးဆက် တစ်ဆက် ဆက်မှာ ပြန်လည်ပေါ်ထွန်း လာခဲ့သည် ဆိုလျှင်ပင် ကျေနပ်လောက်သည်။ ဒါသည်ပင် မျိုးဆက်တစ်ခု၏ ရှင်သန်ခြင်း ဟု ကျွန်တော် နားလည် ထားလေသည်။

သံသရာတည်းဟူသောဝဋ်ဆင်းရဲမှ လွတ်မြောက်ပါရခြင်း အကျိုးငှါဟု အခါအားလျော်စွာ ကျွန်တော်တို့ ရွတ်ဆို လေ့ရှိကြသည်။ ဆင်းရဲခြင်း၏အကြောင်းဖစ်သော ခန္ဓာအသစ်ဖြင့် ဘုံအသစ်ဘဝအသစ် တစ်ခုခု တွင် ပြန်လည် မွေးဖွားရခြင်းမှကင်းပသောအကျိုးတို့ကိုသာ အလိုရှိအပ်ကြောင်း ကျွန်တော်နားလည် ထားသည်။ လောကကိုကျော်လွန်သော (လောကတ္တရာ) နယ်ပယ်၌ ထိုသို့ကျဉ်လည်ရခြင်းမှ လွတ်ကင်းစေ ရန် ရည်သန်လျက် ကာယကံ ဝစီကံ မနောကံ တို့ကို ထိန်းသိမ်းစောင့်ရှောက်ဘို့ အားထုတ်ကြသည်။ သို့သော် သံသရာတစ်လျှောက် လှည်းလမ်းကြောင်းပမာ ထက်ချပ်မကွာ လိုက်ပါကြသော ဝိပါက်ခေါ် ကုသိုလ် အကုသိုလ်တို့၏ အကျိုးတရား တစ်နည်းသံသရာဝဋ်ဆင်းရဲ တို့ကို ဘဝများစွာပင် ဖျောက်ဖျက်၍ မရတတ်ဟု ဆိုသည်။ သံသရာနှင့်ချီ၍ ပေးဆပ်ရခြင်းကြာင့် သံသရာဝဋ် ဟုခေါ်လျှင် မျက်မှောက် ဘဝမှာပေးဆပ် ရလေသမျှ လောကဝန်တာကျေပွန်စရာတွေကို လောကဝဋ် ဟုခေါ်ရမည်လား တိတိပပ မပြောနိုင်သော်လည်း သစ်တောနှင့် သစ်ပင်ပမာ ဆက်စပ်မှုရှိမည်မှာတော့သေချာပါသည်။ အင်းဝခေတ် ဆရာတော် ဦးဗုဓ်က နန်းတော်မယ်နုအား ဆုမ္မခဲ့သော “ဝဋ်ကျွေးရှိလျှင် ကျေအောင်ဆပ် ရတယ်” ဆိုသော စကားနှင့် အကြောင်းတိုက်ဆိုင်သည့်အခါ အမေပြောခဲ့သော နင်တို့အဖေကတော့ ဝဋ်ကျွတ်သွားတောပေါ့ ဆိုသည့် စကားနှစ်ရပ်တို့မှာ ကာလ ဒေသနောက်ခံနှင့် ပညာ သဒ္ဓါ အနုအရင့်ချင်း မုချကွာသော်လည်း သဘော သဘာဝချင်းတော့ မကွာခြားလှပါဟု ကျွန်တော် ဆိုချင်သည်။ 

ဖေဖေက သုံးဆယ့်ရှစ်နှစ်မှာဝဋ်ကျွတ်သည်။ အမေက ခြောက်ဆယ့်ကိုးနှစ်မှာဝဋ်ကျွတ်သည်။ ကျွန်တော်က ခုချိန် ခြောက်ဆယ့်နှစ်နှစ်ထိ ဝဋ်မကျွတ်သေး။ ပြောရလျှင် ကျွတ်လည်းမကျွတ်လိုသေး။ ကျွန်တော့်အတွက် သည်ဝဋ်က ကျွတ်ချင်စရာဝဋ်မဟုတ် ဆိုလျှင် တစ်ချို့ မေးငေါ့ကြမည်။ သို့သော် ပျိုမစ်စဉ်တုန်းက သံသရာဆွဲဆန့်လို့ ဘယ်လောက်ပင်ရှည်ရှည်ဟု ရင်နှင့်အမျှသီကျူးခဲ့သူတွေ အရွယ်လေး နည်းနည်းရချိန်မှာ အရိုးစု အပုပ်ကောင်ကို အဟုတ်ယောင် မထင်ကြဘို့ ရွာဆော်ကြိးလုပ်ကြ သည်နှင့် ကြုံရလေတိုင်း ကျွန်တော် ကြားကမျက်နှာအထားရ ခက်တတ်သည်မှာလည်းအမှန်ပင် ဖြစ်၏။ မည်သို့ဆိုစေ မျိုးဆက်သစ်တို့ တေးဆို ဖြစကသည့်တိုင် ကျွန်တော်နေလိုသေးသည်။ သတ္တဝါခပင်း ရှင်သေမင်းနှင့် မိတ်သင်းဖွဲ့လျက် ချိန်းအချက်လျှင် တစ်စက်ကမှမရှိကြသည့်တိုင် မရဏံအလို ကြိုက်ရာကိုသာလိုက်ဘို့ ကြိုတင်မြွက်ဟရင်း  နေခြင်းနှင့်သေခြင်းအကြား သစ္စာထားတေး တစ်ပုဒ် လောက်တော့ ရွေးထုတ်ဘို့ ကျွန်တော် ကြိုးစားကြည့် ချင်သေးသည်။  

Comments

Popular posts from this blog

ကျွန်တော်နှင့် တိုက်ပုံ